Del fons del còr

Seria de 8 monotipes realizats en 2024 acompanhats del poèma de Laurent Cavalié extrach del recuèlh « Quicòm de roge » Edicion : La Lenteur. En musica dins l’album Roge de La Mal Coiffée (Sirventés).

« Del fons del còr
escampi ma lenga de cèrca-país,
del fons del còr l’escampi al morre del monde sens morre,
los manja-monedas que menan lo monde.

Del fons del còr
escampi ma lenga de rèire-país,
del fons del còr l’escampi al morre del monde sens èime
que se ritz de la lenga,
que se ritz de l’accent
a me far tornar engolir lo poèma.

Del fons del còr
escampi ma lenga d’aucèl de país,
del fons del còr l’escampi al morre d’aquelis
que rauban l’ivòri, l’argent
e lo mèl del Tot-monde,
lo coirat de son cant
e sas paraulas d’aur.

Del fons del còr
escampi ma lenga de canta-país,
del fons del còr l’escampi,
e la torni als aucèls. »